Kreu i lëvizjes Shqipëria Bëhet, Adriatik Lapaj, deklaroi se në zgjedhjet e 11 majit synon të marrë 71 mandate deputetësh. Në një intervistë për emisionin Të Pashoq, ai theksoi se nuk i përket politikanëve që ulen në tavolina për të bërë pazare me votat.
“Nuk i përkas atyre politikanëve që bëjnë llogaritë me blerje votash, nuk jam rraqexhi. Kam hyrë në këto zgjedhje për të fituar, synoj 71 mandate. E kam shumë seriozisht, një ditë do të fitojmë”, tha Lapaj.
Ai nënvizoi se pas zgjedhjeve nuk do të ketë asnjë bashkëpunim me Edi Ramën, Sali Berishën apo Ilir Metën.
“Nëse qytetarët e shesin votën, në qafë paçin veten. Nuk do i ndahem asnjë numëruesi që prek votat. Rama dhe Berisha janë në fund të ciklit të tyre. E ardhmja është me ne”, u shpreh ai, duke paralajmëruar se çdo manipulim votash do të përballet me ligjin.
