Pas dorëheqjes së Edmond Rrushit nga drejtimi i Autoritetit Kombëtar të Ushqimit (AKU), në krye të këtij institucioni është emëruar Olsi Komici.
Komici ka qenë më parë komisioner në Komisionin e Pavarur të Kualifikimit (KPK), organi që zhvilloi procesin e vettingut për gjyqtarët dhe prokurorët.
Pas përfundimit të mandatit, 12 komisionerët nuk arritën të sigurojnë një pozicion brenda sistemit të drejtësisë, pavarësisht përpjekjeve të tyre. Kjo ka ngritur dyshime se qeveria po i "shpërblen" me detyra të tjera, duke i emëruar në krye të institucioneve të ndryshme.
