Kreu i “Shqipëria Bëhet”, Adriatik Lapaj, ka reaguar ndaj akuzave të ish-deputetit Myslym Murrizi, i cili e akuzoi atë si njeri të përdorur nga George Soros para zgjedhjeve të 11 majit. Lapaj i ka drejtuar disa pyetje Murrizit lidhur me një leje minerare për aktivitet minerar në fshatin Zogas, Bashkia Skrapar, duke pohuar se deputeti Murrizi ka përfituar një leje nga qeveria Rama.
Lapaj e akuzon Murrizin për përfitime nga qeveria dhe për faktin që, si opozitar, ai ka marrë një leje minerare në kundërshtim me qytetarët e thjeshtë. Ai shton se leja minerare për të nxjerrë gurë në Zogas ende nuk është miratuar, pavarësisht se ai ka paguar të gjitha detyrimet ligjore.
Në kundërpërgjigje, Murrizi i ka drejtuar një replike të ashpër Lapajt, duke e akuzuar për lidhje me Sorosin dhe duke theksuar se nuk ka turp të bëjë biznes dhe të jetë i pasur, por ka turp të jetë hajdut dhe mashtrues. Ai mohon akuzat e Lapajt, duke theksuar se ka 25 vjet që merret me punët e tij dhe se nuk është pjesë e korrupsionit politik.
