PD ka përgatitur një projektligj sipas të cilit, sapo të vijë në pushtet, do të njihen vetëm dy gjini: mashkull dhe femër.
Sali Berisha deklaroi sot se ky do të jetë një nga vendimet e para të qeverisë së re të PD-së. Në fakt, në Shqipëri nuk ekziston asnjë ligj që njeh gjini të tretë përveç mashkull dhe femër, ndaj mbetet e paqartë përse është i nevojshëm një ligj i ri në këto kushte.
Këto deklarata Berisha i bëri në mbledhjen e grupit parlamentar të PD-së, ku, të paktën publikisht, nuk u fol as për organizimin e primareve dhe as për garën e brendshme, kaq të rëndësishme tre muaj para zgjedhjeve.
