Italia, pas marrëveshjes mes Melonit dhe Ramës, do të sjellë rreth 30 mijë azilkërkues në Shëngjin. Përtej kësaj "dhurate", edhe policët dhe stafi që do të shërbejë aty, përfshirë ata që do të punojnë në kuzhinë apo si sanitarë, do të jenë italianë.
Për të falënderuar kryeministren italiane për sjelljen e azilkërkuesve në Shëngjin, një veprim që nuk është pritur mirë nga banorët e zonës, ka menduar Gjergj Luca, i cili ka hapur një restorant kushtuar Giorgia Melonit.
Restoranti është dekoruar me 70 portrete shumëngjyrëshe të kryeministres italiane, të cilat e paraqesin atë në forma të ndryshme. Giorgia Meloni shfaqet nga serioze dhe e zemëruar në portrete që do të shoqërojnë klientët teksa konsumojnë pjatat e Gjergj Lucës.
Nuk është vetëm çështje për shqiptarët, që nuk e njohin mirë kryeministren italiane, por edhe për stafin italian që do t’i duhet të shohë gjatë gjithë ditës 70 fytyrat e Melonit, situata mund të bëhet paksa e sikletshme. Sa për klientët, ata nuk kanë asnjë zgjidhje tjetër veçse të bisedojnë për emigrantët e ardhur nga Italia dhe të shijojnë ushqimin italian nën 70 vështrimet e kryeministres Meloni.
