Një aksident ajror katastrofik ka marrë jetën e të paktën 177 personave në Korenë e Jugut, në atë që cilësohet si fatkeqësia më e rëndë ajrore në dekada. Avioni i linjës Jeju Air, një Boeing 737-800 që udhëtonte nga Bangkoku në drejtim të qarkut Muan, mbante 175 pasagjerë dhe gjashtë anëtarë të ekuipazhit.
Dy persona nga ekuipazhi mbijetuan, ndërsa tre të tjerë janë ende të zhdukur. Të shpëtuarit ishin pozicionuar pranë bishtit të avionit në momentin e shpërthimit.
Pamjet dramatike treguan avionin duke rënë dhe u përplasur me një mur, përpara se të shpërthente në flakë. Ekspertët e aviacionit sugjerojnë se një dështim i mekanizmave të uljes mund të ketë shkaktuar aksidentin.
Piloti kishte raportuar praninë e zogjve pranë pistës vetëm pak para incidentit, sipas të dhënave nga kulla e kontrollit. Hetimet për aksidentin pritet të zgjasin me vite.
Në bord ndodheshin kryesisht shtetas koreano-jugorë, përveç dy pasagjerëve tajlandezë. Jeju Air dhe modeli Boeing 737-800, të njohur për rekordin e tyre të mirë të sigurisë, janë nën vëzhgim të shtuar pas tragjedisë.
