Dy kushërinjtë Dorian dhe Indrit Ferra, të dyshuar si autorë të vrasjes së 45-vjeçarit Denis Çumani në janar 2026, përfunduan në prangat e Policisë së Durrësit.
Ndaj tyre ishte caktuar masa e sigurisë “arrest me burg” për akuzat “Vrasja me dashje”, kryer në bashkëpunim, dhe “Mbajtja pa leje dhe prodhimi i armëve, armëve shpërthyese dhe municionit”.
Kushërinjtë Dorian dhe Indrit Ferra ishin shpallur në kërkim pasi, nga hetimet, dyshohet se më 27.01.2026, në qytetin e Shijakut, janë konfliktuar për motive të dobëta me shtetasin Denis Çumani, 45 vjeç, dhe e kanë qëlluar me armë zjarri.
45-vjeçari humbi jetën pas disa ditësh në spital. Nga hetimet rezulton se viktima kishte ngacmuar të fejuarën e njërit prej kushërinjve.
