E Diel , 21 dhjetor 2025
Dërgo denoncim anonim
English

EKSKLUZIVE

Më shumë
Sociale 17 Janar 2025, 15:41 Nga VNA

Vijojnë protestat për "denoncimin e korrupsionit në Bashkinë e Tiranës"

Ndaje në Whatsapp
Vijojnë protestat për "denoncimin e korrupsionit në

  • Protesta e sotme sërish ka nisur me tensione për shkak të bllokimit të qarkullimit të automjeteve nga protestuesit në rrugën para selisë së Bashkisë së Tiranës.

Në Tiranë vazhdojnë protestat për të "denoncuar rastet e korrupsionit në Bashkinë e Tiranës", organizuar nga partitë opozitare dhe me mbështetjen e aktivistëve të shoqërisë civile. Protesta e radhës u organizua nga Partia Demokratike e Shqipërisë (PD) dhe Partia e Lirisë (PL), si dhe aktivistë para selisë së Bashkisë së Tiranës, edhe me kërkesën për dorëheqjen e kryebashkiakut të Tiranës, Erion Veliaj. Edhe protesta e sotme nisi me tensione për shkak të bllokimit të qarkullimit të automjeteve nga protestuesit në rrugën para selisë së Bashkisë së Tiranës. Zv.kryetari i Këshillit Bashkiak të Tiranës dhe përfaqësuesi i PD-së, Dorjan Teliti, në fjalën e tij gjatë protestës u shpreh se protestat janë legjitime dhe tërësisht ligjore. "Ne nuk tërhiqemi. Tirana dhe Shqipëria meritojnë shumë më tepër. Meritojnë një ekonomi më të mirë dhe një shtet ligjor, por mbi të gjitha meritojnë dinjitet", tha Teliti. Ish-deputeti i Partisë Demokratike, Klevis Balliu, u shpreh se duhet ta zgjerojnë aksionin e tyre. "Kjo protestë është e lajmëruar dhe normalisht policia e shtetit duhet t'u sigurojë qytetarëve të drejtën për të protestuar", tha Balliu. Sekretari i përgjithshëm i PL-së dhe anëtari i Këshillit Bashkiak të Tiranës, Tedi Blushi, u shpreh se duhet rezistencë dhe përballje, sepse sipas tij "Bashki tanimë ju përket qytetarëve". Protestat Në Shqipëri janë organizuar për muaj me radhë gjatë vitit 2024 protesta për të "denoncuar rastet e korrupsionit në Bashkinë e Tiranës", ndërsa disa protesta janë shoqëruar edhe me tensione dhe përplasje me forcat e policisë. Protestat kundër kryebashkiakut Veliaj nisën në fillim të prillit 2024 dhe aktualisht kanë rifilluar. Protestat organizohen pas arrestimit në fund të muajit mars të vitit të kaluar të disa ish-zyrtarëve të Bashkisë së Tiranës, të akuzuar për veprat penale "korrupsioni pasiv i personave që ushtrojnë funksione publike" dhe "refuzimi për deklarimin, mosdeklarimi, fshehja ose deklarimi i rremë i pasurive".

Lexo gjithashtu

Video

Një aksident rrugor është regjistruar pasditen e sotme, rreth orës 16:00, në aksin Lezhë–Shkodër, në kryqëzimin e Gjadrit. Sipas informacioneve paraprake, dy automjete janë përplasur me njëra-tjetrën, ku njëri prej tyre ka dalë nga rruga dhe ka përfunduar në kanal. Në aksident janë përfshirë një mjet që drejtohej nga një shtetas malazez dhe një automjet tjetër me drejtues një shtetas italian. Si pasojë e përplasjes, janë dëmtuar drejtuesit e të dy mjeteve, si edhe një pasagjere që udhëtonte në automjetin me targa italiane. Të plagosurit janë transportuar menjëherë në spitalin e Lezhës për ndihmë mjekësore dhe, sipas burimeve zyrtare, ndodhen jashtë rrezikut për jetën.

Një ngjarje e rëndë me armë zjarri është regjistruar mesditën e sotme në qytetin e Kukësit, ku si pasojë kanë mbetur të plagosur dy persona. Sipas informacioneve zyrtare, rreth orës 14:35, në një lokal pranë një pallati në zonën e Radio Kukësit, janë plagosur me armë zjarri shtetasit Amarlido Cena, 36 vjeç, dhe Sadik Kapica, 65 vjeç. Të plagosurit janë transportuar për ndihmë mjekësore dhe ndodhen nën kujdesin e mjekëve. Nga hetimet paraprake, Policia dyshon se autorë të ngjarjes janë shtetasit Fatri Iseberi, 39 vjeç, dhe Ndricim Iseberi, 38 vjeç, vëllezër, të cilët janë identifikuar dhe shpallur në kërkim.

Porti i Vlorës po përjeton rritje të ndjeshme të fluksit të pasagjerëve në kuadër të lëvizjeve të fundvitit. Mëngjesin e së dielës kanë mbërritur 692 pasagjerë dhe 147 automjete me tragetin Brindisi–Vlorë, ndërsa një ditë më parë janë regjistruar rreth 300 pasagjerë. Autoritetet parashikojnë kulmin e fluksit më 23–24 dhe 26–29 dhjetor. Strukturat portuale janë angazhuar për të garantuar përpunim normal dhe shmangien e vonesave.

Dhjetëra tonë patate kanë ndotur rrugët e Brukselit pasi fermerët evropianë organizuan një protestë kundër rritjes së kostove, çmimeve të ulëta dhe politikave të BE-së. Pasojat e befasishme kanë kthyer qendrën e qytetit në një simbol të zemërimit rural dhe presionit ekonomik. Por teksa fermerët kanë hedhur patatet në tokë në shenjë protestë, qytetarë të shumtë kanë rendur në shesh për të mbledhur për gatim.

×
❮ ❯

Doni të informoheni të parët për lajme ekskluzive?

Bashkohuni me grupin tonë privat.

Kliko këtu

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme