Gjykata Kushtetuese nuk mundi të dalë me një vendim lidhur me kërkesën e Erion Veliajt kundër masës së sigurisë “arrest me burg”. Tetë gjyqtarët kushtetues e shqyrtuan kërkesën e kryetarit të Bashkisë së Tiranës në seancë mbi bazë dokumentash, pa praninë e palëve.
Pas më shumë se dy orësh shqyrtim, Kushtetuesja njoftoi se e përfundoi seancën, por deklaroi se nuk do të shpallë vendim ditën e sotme.
Erion Veliaj kërkon shpalljen si antikushtetues të vendimeve të GJKKO, Apelit të GJKKO dhe Gjykatës së Lartë që ka caktuar ndaj tij masën e arrestit me burg. Ai ndodhet në paraburgim prej 10 shkurtit 2025 dhe aktualisht po gjykohet për 13 akuza penale.
