Avokatët e Erion Veliajt kanë kërkuar zgjatjen e afatit për të paraqitur prapësimet e tyre pranë SPAK, me pretendimin se dosja është voluminoze dhe nevojitet kohë që të njihen me aktet. SPAK i komunikoi Veliajt dhe 29 personave, shoqërive apo OJF, akuzat përkatëse dhe caktoi datën 24 shtator për dorëzimin e dosjes për gjykim. Veliaj akuzohet për korrupsion, pastrim parash e fshehje pasurie. E pandehur është edhe bashkëshortja e tij, Ajola Xoxa, si dhe biznesmenë, të afërm të Xoxës e bashkëpunëtorë e vartës të saj. Në dosjen Veliaj-SPAK ka dëshminë e një të penduareje drejtësie, që është një nga ish-bashkëpunëtorët e ngushta të Xoxës.
