Tulsi Gabbard ka dhënë dorëheqjen nga posti i Drejtoreshës së Inteligjencës Kombëtare në SHBA, duke deklaruar se largohet për t’u kujdesur për bashkëshortin e saj, Abraham Williams, i cili është diagnostikuar me një formë shumë të rrallë të kancerit në kocka.
Sipas mediave amerikane, Gabbard ia komunikoi vendimin presidentit Donald Trump gjatë një takimi në Zyrën Ovale, ndërsa dorëheqja do të hyjë në fuqi më 30 qershor 2026.
Në letrën e dorëheqjes, ajo falënderoi Trump për besimin dhe mundësinë për të drejtuar komunitetin amerikan të inteligjencës gjatë vitit e gjysmë të fundit.
Megjithatë, largimi i saj vjen edhe në një moment tensionesh brenda administratës Trump, ku Gabbard ishte përballur muajt e fundit me kritika dhe përplasje të brendshme, sidomos për qëndrimet e saj mbi Iranin dhe rolin e inteligjencës amerikane.
