Trafiku në Tiranë vërtet nuk përbën më lajm, por korsitë e biçikletave po. Kryetari i Bashkisë Erion Veliaj duket shumë i shqetësuar për këto korsi. Aq sa ka mobilizuar Policinë Bashkiake për lirimin e korsive të biçikletave, me qëllim qarkullimin e qytetarëve me biçikleta dhe monopatina elektrik. Në fakt Veliaj, më shumë se për lirimin e këtyre korsive ka merakun e hapjes së rrugës së qarkullimit të 500 monopatinave të Bashkisë, që kanë mbirë në çdo rrugë e rrugicë të qytetit. Ndërkohë që qarkullimi i monopatinave elektrike nuk rregullohet me asnjë legjislacion shqiptar, duke shkaktuar kështu më shumë kaos në vend dhe shumë herë edhe burim aksidentesh.
