Gjatë fushatës zgjedhore por edhe përditshmëria e punës së gazetarëve në jo pak raste janë parë si "tabela qitje" nga politikanët në vendin tonë. Edhe pse thuhet se lajmësi nuk preket, në fakt gazetarët janë gjendur përballë kritikave, ngacmimeve deri edhe tek sulmet kundrejt tyre, ndonëse gjenden në krye të detyrës. Klodiana Lala, gazetare kronike, që vijon e ushtron profesionin në një nga mediat informative shpreh keqardhje për sulmet ndaj kolegëve por deklaron se sa herë marrin "shuplaka" prej tyre, po aq marrin dashuri nga publiku. Ndaj ajo pati edhe një reagim në lidhje me incidentin e fundit të gazetarëve të EuroNews me deputetët e opozitës, Lala thotë se "distancohem nga dhuna gjithnjë dhe nga gjuha vulgare, sidomos në adresë të gazetarëve". Për këtë ajo ftoi kolegët gazetarë që përtej informimit të publikut të ofrojnë edhe në panoramë të plotë, të drejtë dhe të qartë, palët të njihen me të gjitha anët e ngjarjes. Si në prej gazetarëve që këto zgjedhje i ndoqi në Qarkun e Fierit, një prej qarqeve që prodhoi më shumë mandate për PS se asnjëherë, Klodiana Lala thotë se në fakt krimi dhe politika janë sofistikuar dhe do duhej që SPAK që zbardhte çdo krim zgjedhor. E ftuar në emisionin “Kjo Javë, e moderuar nga Nisida Tufa, Lala tha se janë 39 dosje penale që lidhen me hetimet për krimet zgjedhore, dhe shpreson që të zbardhet e vërteta, pasi nuk është ky vullneti që kanë dhënë shqiptarët, duke iu referuar anomalive në disa qarqe, në Durrës, Shkodër, Elbasan dhe Fier.
