Procesi për të pandehurit e dosjes Metamorfoza u shty për në datën 30 maj për shkak të mungesës së avokatëve të dy të pandehurve.
Pëllumb Gjoka, Behar Bajri, Edmond Preka, Astmer Bilali, Ardit Hasanbegaj, Oltian Bistri, Xhevahir Lita, nuk ishin të pranishëm në seancë. Ajo që ra në sy ishte ndryshimi në përbërjen e trupës gjykuese. Gjyqtarja e Posaçme Irena Gjoka ishte zëvendësuar nga gjyqtari Erjon Çela. Gjoka ka marrë lejen e zakonshme në kulmin e akuzave nga ish-kryeministri Sali Berisha, sipas të cilit gjyqtarja ka fshehur një dënim në Greqi. Të pandehurit e dosjes Metamorfoza akuzohen për krime të rënda, si vrasje apo plane për të kryer vrasje.
