Ndërkohë që disa zona të vendit janë përfshirë nga temperatura të larta, qyteti i Bulqizës është përfshirë nga reshjet e dendura të shiut.
Ka mjaftuar vetëm 15 minuta reshje të shiut të shoqëruar me erë të fortë dhe breshër për të përmbytur rrugët nacionale të Bulqizës.
Gjithashtu është përmbytur edhe rruga që lidh dy lagjet atë të qytetit të Ri dhe atë të vjetër, kjo e fundit për shkak edhe të bllokimit të kanaleve anësore.
Ditën e djeshme një stuhi përfshiu dhe qytetin e Beratit, i cila shkaktoi dëme të mëdha në serat e fermerëve të zonës. Ndërsa ditën e enjte shiu i dendur përfshiu dhe qytetin e Elbasanit.
