Kulla Hupi në Bulqizë është shpallur monument kulture që në vitin 1977 për shkak të veçorive që ajo ka dhe është nën pronësi të Genti Hupit.
Pranë kësaj kulle Julian Hupi prej disa kohësh ka një bujtinë që quhet Kulla Hupi dhe këtu nisi debati ku në mes u fut dhe ndërmjetësja Eni Çobani e cila hedh akuza ndaj Julianit.Genti Hupi në studion e ndërmjetëses Eni Çobani ndan shqetësimin se fqinji ka të njëjtin mbiemër dhe në rrjetet sociale reklamon pronën e tij (monument kulture) si kulla Hupi për qëllime biznesi.
Genti Hupi akuzon se biznesi tjetër përdor fotot, togfjalëshin “kulla Hupi”, ka marrë pjesë të monumentit për t’i vendosur në bujtinën e tij ndërkohë që bashkia Bulqizë nuk ka ndërmarrë asnjë masë.
Reagim pas emisionit ka bërë Julin Hupi i cili shkruan "U shokova kur dëgjova një sulm që kishte bërë ndaj biznesit tim familjar Eni Çobani, që bën një program në Televizionin Klan ditën e diel. Më kishte bërë një gjyq në mungesë. S’kishte lënë akuzë pa bërë, deri sa në fund më akuzonte se kam shkelur Ligjin Tregtar dhe Kodin Penal. Sepse ju atje në televizone mund të thoni ç’të doni, ndërsa kur ne që punojmë nga 18 orë në ditë, kur tentojmë të mbrohemi, quhet kërcënim! Meqë unë refuzova gjyqin televiziv, u gjenda nën një monolog-agresiv të zonjës, duke iu drejtuar kameras në mënyrë të paprecedentë: “Shqiptarë, kjo nuk është Kulla Hupi."
Julin Hupi shpjegon se mban të njejtin mbiemër dhe njësoj si Genti ka trashëguar një objekt që e quan Kulle dhe i drejtohet Çobanit
Ju më kërkoni llogari mua pse e quaj kullën time “Kulla HUPI”?
Po si ta quaj, Kulla Çobani? Apo mos ta quaj kullë fare, ta quaj supermarket? Apo PUB, diskotekë, si mendon ti zonjë?
Ai shton se kulla e bashkëfshatarit dhe bashkëkushëririt Genti Hupi është edhe monument kulture, dhe ky është ndryshimi.
"Unë do të isha i kënaqur që edhe ajo ti shërbente turizmit të zonës tonë të varfër. Unë nuk ia kam marrë këtë status. Bile jam i lumtur që nuk e kam monument kulture, pasi të ndërhysh në një objekt-monument kulture është odise më vete." thote Julin Hupi i cili nuk pranon të bëhet pjesë e showt televiziv të Eni Çobanit dhe thotë se problemet do i zgjidh ne gjyqin e shtetit
