Një 35-vjeçar është rrëmbyer me forcë pas një konflikti fizik në vendparkimin e një lokali në aksin Lezhë-Milot. Dod Gjoka dyshohet se u dhunua dhe më pas u mor me automjet nga tre persona, të cilët janë identifikuar si K. P., B. V. dhe Xh. E., banues në fshatin Tresh.
Policia ngriti pika kontrolli në disa akse rrugore dhe, nën presionin e kontrolleve intensive, autorët dyshohet se kanë lënë të lirë viktimën, i cili po merr ndihmë mjekësore në spitalin e Lezhës dhe ndodhet jashtë rrezikut për jetën.
Hetimet vijojnë për zbardhjen e plotë të ngjarjes, ndërsa forcat e rendit po punojnë për kapjen e autorëve.
