Kryeministri Edi Rama ka deklaruar se Partia Socialiste dhe ai vetë janë e vetmja garanci për mbijetesën dhe vazhdimësinë e SPAK, pas paralajmërimeve të ish-kryeministrit Sali Berisha për shuarjen e Prokurorisë së Posaçme.
Rama theksoi se Reforma në Drejtësi është arritje e tij dhe e Partisë Socialiste, duke nënvizuar se SPAK nuk është krijuar nga ndërkombëtarët, por është rezultat i përpjekjeve vendase.
“SPAK nuk është i Kushtetutës dhe Reformën në Drejtësi, tek kjo e fundit marr autorësinë së bashku me PS. Amerika është tërhequr nga kjo punë. Nëse SPAK do e kishte sjellë Amerika, tani që Amerika është tërhequr, do ta kishte marrë me vete në Amerikë. SPAK është këtu dhe ka vetëm një garanci: PS dhe unë në krye të saj,” – u shpreh Rama.
Ai i cilësoi sulmet ndaj SPAK si një “luftë të gjithanshme” nga kundërshtarët politikë, duke i drejtuar një mesazh të qartë opozitës:
“Rrotullojeni nga të doni, Reformën në Drejtësi e kam bërë unë me PS,” përfundoi kryeministri.
