Me 75 vota pro dhe 24 kundër, është miratuar këtë të martë buxheti për vitin 2025.
Pro kanë votuar mazhoranca, ndërsa votat kundër kanë ardhur nga opozita. Pas miratimit në tërësi, kryetarja e Kuvendit Elisa Spiropali ka njoftuar mbylljen e kësaj seance.
Kujtojmë se buxheti 2025 u miratua në parim, në një maratonë 48 orëshe më 19 nëntor, me 75 vota pro, 40 vota kundër, ndërsa 22 deputetë të pranishëm në sallë nuk votuan.
Në tërësi opozita kishte propozuar 55 amendamente, pjesa dërrmuese e të cilave nga PD dhe më pas nga Partia e Lirisë dhe deputeti Enkelejd Alibeaj. Amendamentet e opozitës u konsideruan si populiste, ndërsa ministri i Financave Petrit Malaj tha se nëse do të merreshin parasysh ato do ta kthenin buxhetin në ‘piramidal’.
