Banorët e Krujës dhe Fushë Krujës dolën sërish në protestë ditën e sotmë për kërkesën e tyre që të kenë akses në autostradën Thumanë-Kashar. Ata kanë bllokuar sërish aksin rrugor, ndërsa kanë nisur edhe përplasjet e para me Policinë.
Të shumtë ishin edhe forcat e policisë që ndodhen në vendin ku po protestojnë banorët, të cilët të pajisur edhe me skafandra, ku gjatë përplasjes u gjakos edhe një qytetar.
Banorët u shprehen të bindur që protestat nuk do t’i ndalojnë deri në përmbushjen përfundimtare të kërkesës së tyre.
Rruga Thumanë – Kashar është ndërtuar tërësisht me fondet e kompanisë private Gener 2. Edhe pse i kanë dalë disa herë në krah protestës se banorëve, asnjë nga drejtuesit apo deputetët e PD nuk e përmend emrin e kësaj kompanie me pronar Bashkim Ulaj.
Pagesa për këtë rrugë është 270 lek të reja. Edhe pse pretendohet se është totalisht investim privat, kompania Gener 2 kompensohet nga shteti shqiptar nëse në rrugën Thumanë – Kashar nuk kalojnë 28 mijë mjete në ditë. Kompensimi kap shifrën e 8 milionë eurove.
