Dy protesta të ndara u zhvilluan para Kuvendit të Shqipërisë, pak para nisjes së seancës plenare. Në njërën protestë marrin pjesë përfaqësues të Bashkimit të Sindikatave të Pavarura të Shqipërisë, ndërsa në tjetrën janë minatorë të mbështetur nga Lëvizja Bashkë.
Të dy grupet e protestuesve kanë bërë thirrje për miratimin e statusit të minatorit dhe sigurimin e pensioneve dinjitoze. Këto kërkesa janë ngritur edhe në protestat e mëparshme, por mbeten të paplotësuara nga qeveria.
Minatorët dhe sindikatat theksojnë se përmbushja e këtyre kërkesave është një domosdoshmëri për të garantuar të drejtat dhe mirëqenien e punëtorëve që kanë kontribuar në sektorin minerar.
