Projekt i nisur prej viteve 2000, rehabilitimi i Lanës dhe zgjerimi i shtratit të saj, vijojnë të jenë akoma kalë beteje për kryeministrin Edi Rama. Përmes një postimi në rrjetet sociale ka njoftuar nisjen e projektit, por pa dhënë afat përfundimi. "Ka nisur me punën e jashtëzakonshme të administratës së Bashkisë së Tiranës në vitet 2000-2011 dhe po vijon sot, me po të njëjtin përkushtim, për pjesën nga “Pallati me Shigjeta” deri te kryqëzimi Rr. "Teodor Keko", bën me dije kryeministrin.
Sipas kreut të qeverisë, banorët që preken nga ky projekt i rëndësishëm për zhvillimin e qytetit, fillimisht do të trajtohen me bonus qiraje, e më pas do të përfitojnë banesë falas, disa herë më të mirë se ajo që kanë, e që do të ndërtohen për këtë qëllim nga Bashkia e Tiranës.
