Në seancën e sotme Kuvendi ka miratuar ndryshimet në qeveri. Nuk munguan as tensionet e krijuara nga deputetët e Berishës, sa për t’u bërë lajm në media, me arsyen se u rrëzua kërkesa e tyre për ta zhvilluar seancën e posaçme me debat.
Por mazhoranca si gjithmonë, pavarësisht tensioneve të krijuara, vijoi me votimin e planifikuar për shkarkimet dhe emërimet e reja në qeverinë Rama 3.
Elisa Spiropali është emëruar kryetare e Kuvendit, duke pasuar Lindita Nikollën, ndërsa Bledi Çuçi u zgjodh nënkryetar i Kuvendit, duke pasuar Ermonela Felajn.
Votimi i ndryshimeve në qeveri vijoi kështu:
Elisa Spiropali u shkarkua si ministre e Shtetit për Marrëdhënien me Parlamentin, Ervin Metes u shkarkua nga ministër Financave, Niko Peleshit nga ministër i Mbrojtjes, Taulant Ballës nga ministër i Brendshëm.
Ndërsa emërimet e reja janë Petrit Malaj do jetë ministër i Financave, Pirro Vengu ministri i Mbrojtjejs, Ervin Hoxha ministri i Brendshëm dhe Taulant Balla u emërua ministër i Shtetit për Marrëdhëniet me Parlamentin.
