Polici i qarkullimit rrugor, Azbi Spahiu, u hodh nga lartësia në një ngjarje të mbushur me mister, ku policia vetë nuk po jep asnjë informacion, ndërkohë që në media ka heshtje thuajse totale. Spahiu është një nga policët që ndaloi pak ditë më parë Martin Manen, djalin e biznesmenit të fuqishëm, Samir Mane.
Ndërkohë ajo që bën shumë pështypje dhe çuditi edhe panelin në emisionin "Të Paekspozuarit" në MCN TV, ishte heshtja totale e opozitës, veçanërisht e Sali Berishës, i cili di gjithçka, por tani i është "fikur" fare edhe qytetari dixhital.
Ylli Rakipi: Po të kishte qenë djali i Edi Ramës, Sali Berisha do të "therte" vetë Edi Ramën, me qytetar dixhital e me këto që nxjerr ai. Edhe Policia në këtë rast është turp, është polici fashiste, nuk jep informacion kur kolegu i tyre po vdes.
Andi Bushati: Arlind Qori është i kësaj teorie që oligarkët janë më të fuqishëm se politikanët. Po ti ndodhte Ramës apo Ballukut do e kishe titull në të gjithë mediat. Kjo shpjegon atë gjënë.
Nëse janë hedhur disa hipoteza, disa media periferike që kanë ngritur tezën që polici gati u vra sepse mbi të u ushtrua presion për faktin që ishte prezent në arrestimin e djalit të Samir Manes, kjo heshtje jep më tepër jehonë, i nge këto teza. Kush akuzohet duhet të kundërpërgjigjet. Kur duket sikur blihet heshtja, teorinë konspirative e forcon. Njerëzit që nuk e kanë parë të debatuar në ekranet kryesore, mendja u ka shkuar, ka diçka për të fshehur. Prandaj këtu, e vetmja, edhe nëse Policia apo Prokuroria do të mbrojë Samir Manës, mbrojtja është përmes transparencës, memecëria është pafajësi.
Ola Xama: Ajo që më bën përshtypje përtej mediave, për mua pyetja është po media opozitare cfarë bën? Portalet që bëjnë çdo gjë që ndodh në Shqipëri. Për biznesmenët e mëdhenj kur bien ngjarje të tilla, nuk i bëjnë lajmet. Kjo frymë opozitare do të pretendojë të dalë në zgjedhje? Nëse ka edhe 1% të vërtetë që dikush me pozitë të fuqishme ka çuar një polic drejt vetvrasjes… Është indiferencë totale, ndërkohë çfarë ndodhi me rastin e Xhisielës me fisin Raja? Nuk ngeli emision në darkë, portal, media, deputet i opozitës pa folur...
