Gjatë kësaj jave, vendi ynë pritet të ndikohet nga kushte atmosferike relativisht të qëndrueshme, me masa ajrore kryesisht të ftohta dhe vlera të larta të presionit atmosferik.
E Hënë, e Martë dhe e Premte
Këto ditë pritet mot i kthjellët me vranësira deri mesatare. Në orët e mëngjesit dhe të mbrëmjes, shikimi mund të jetë i reduktuar për shkak të mjegullës së dendur dhe mjegullinës, sidomos në zonat luginore. Era do të fryjë nga kuadrati i veriut me shpejtësi mesatare prej 2-8 m/s, ndërsa përgjatë vijës bregdetare dhe në zona të caktuara veriperëndimore dhe luginore, do të arrijë 12-14 m/s, duke shkaktuar valëzim detar 1-3 ballë.
E Mërkurë dhe e Enjte
Moti do të karakterizohet nga alternime kthjellimesh dhe vranësira të dendura. Reshje shiu me intensitet të ulët dhe lokalisht mesatar priten në pjesën më të madhe të territorit. Shtrëngatat afatshkurtra mund të shoqërohen me shkarkesa elektrike. Shikimi do të jetë i reduktuar në mëngjes, në mbrëmje dhe gjatë reshjeve për shkak të mjegullës së dendur dhe mjegullinës. Era do të fryjë me drejtim verilindje-veriperëndim dhe me shpejtësi mesatare prej 1-6 m/s, ndërsa përgjatë vijës bregdetare dhe në lugina do të arrijë 8-10 m/s, duke shkaktuar valëzim 1-2 ballë.
