Pas një seance maratonë Gjykata e Posaçme la në fuqi masat e sigurisë "arrest me burg" për 12 të arrestuarit e operacionit "Ura" në kuadër të të cilit u godit grupi kriminal i Troplinëve. Avokati Amand Tragaj u lirua nën masën detyrim për paraqitje.
"Jam i rënduar psikologjikisht dhe vazhdimi i kësaj mase do të rëndojë situatat e mia familjare. Kam dy prindërit e sëmure, njerkën të paralizuar, vëllain në psikiatri dhe jam baba i një fëmije të mitur. Kërkoj të jem pranë familjes", tha Tragaj.
Gjykata zbuti masat edhe për Ervis Detin dhe Bexhet Memën. Grupi me drejtues Elvis Doçin i njohur si Visi i Pojës u godit nga SPAK dhe anti-mafia e Barit. Ata trafikonin tonelata kokainë nga Ekuadori drejt vendeve të BE-së.
