Naureda Llagami pritet të jetë një nga kandidaturat e mundshme për vendin vakant në Gjykatën Kushtetuese. Aktualisht në krye të Këshillit të Lartë të Drejtësisë, ajo ka mbajtur këtë post që prej vitit 2018, ndërkohë që mandati i saj në këtë detyrë përfundon në dhjetor të 2023.
Gjatë kohës që drejtoi Këshillin e Lartë Gjyqësor, zonja Llagami nuk la ndonjë gjurmë të veçantë, përveç hartës së re gjyqësore në bashkëpunim me ministrin Ulsi Manja. Kjo hartë, në fakt, u prit me kundërshti për shkak të rritjes së ngarkesës në gjykatat e rretheve, duke mbyllur disa gjykata në qytete të ndryshme.
Një nga vendimet e para të zonjës Llagami në krye të Këshillit të Lartë Gjyqësor ishte mbyllja e dyerve të medias, edhe gjatë seancave plenare, me arsyetimin se bëhej fjalë për sekrete shtetërore.
Llagami pritet të “konkurojë” për vendin bosh në Gjykatën Kushtetuese pas dorëheqjes së anëtares Elsa Toska.
