Një aksident ka ndodhur mbrëmjen e sotme në lagjen ’30-Vjetori” në qytetin e Beratit, ku një automjet që ishte duke qarkulluar me shpejtësi ka goditur një 15-vjeçare, e cila po kalonte në vijat e bardha.
Autori i aksidentit pasi ka përlasur adoleshenten, është larguar nga vendngjarja. 15-vjeçarja është transportuar drejt Spitalit Rajonal të Beratit, ku ndodhet nën kujdesin e mjekëve, ndërkohë që policia është vënë në kërkim të autorit të aksidentit.
Policia po kontrollon kamerat e sigurisë në vendin e aksidentit, me qëllim identifikimin e mjetit dhe autorit.
