Në rend dite është parashikuar miratimi i procesverbalit të seancës plenare të datës 17.10.2024 pasi seanca e kaluar u shoqërua me tensione të larta për shkak të përplasjeve mes deputetëve të opozitës dhe Gardës së Republikës, si dhe ndërhyrjeve të forcave të Policisë.
Ndërkohë, Partia Demokratike ka njoftuar se nesër do të organizojë bllokime të disa akseve kryesore rrugore. Trafiku do të kontrollohet dhe monitorohet nga policia rrugore 30 minuta përpara nisjes së bllokimeve. Pikat kryesore do jenë
Segmenti Casa Italia – Sheshi “Shqiponja” Rrethrrotullimi Milot Rrethrrotullimi Shkozet Rrethrrotullimi Bradashesh Rrethrrotullimi Rrogozhinë Rrethrrotullimi Levan Policia ka njoftuar se pothuajse e gjithë forca e saj do të jetë në terren për të garantuar lëvizjen e automjeteve dhe shmangien e bllokimeve rrugore. Po ashtu, prania e forcave të rendit, të njësive Shqiponja dhe FNSH do të jetë e përforcuar për të siguruar mbarëvajtjen e rendit dhe sigurisë publike. Policia gjithashtu ka informuar organizatorët se tubimi është i lejuar, por bllokimi i rrugëve është vepër penale dhe mund të ketë pasoja ligjore.
