Kupa e Shqipërisë rikthehet këtë javë me ndeshjet e kthimit të çerekfinaleve, të cilat do të luhen të martën dhe të mërkurën. Katër skuadra do të sigurojnë një biletë për në gjysmëfinale, ndërsa gjithçka mbetet e hapur në disa përballje.
Sfida e së martës:
Të martën, në orën 17:00, do të zhvillohen dy ndeshjet e para:
• Partizani - Laçi (Arena e Demave)
• Vllaznia - AF Elbasani (Loro Boriçi)
Në duelet e para, të dyja çiftet u ndanë në barazim pa gola (0-0), duke e lënë kualifikimin të hapur. Partizani dhe Vllaznia do të kenë avantazhin e fushës, por Laçi dhe AF Elbasani do të kërkojnë surprizën.
Sfida e së mërkurës:
Dy duelet e fundit luhen të mërkurën:
• Egnatia - Bylis (Arena Egnatia, ora 13:30)
• Skënderbeu - Dinamo City (Korçë, ora 16:30)
Egnatia është në pozita më të mira pas fitores 3-1 në ndeshjen e parë ndaj Bylisit, ndërsa Skënderbeu ka një avantazh të konsiderueshëm pas triumfit 2-0 ndaj Dinamo City.
Këto përballje do të përcaktojnë katër ekipet që do të vijojnë garën për trofeun e Kupës së Shqipërisë.
