Përfundon faza e grupeve në UEFA Champions League. Të mërkurën, u mësuan 8 skuadrat e para që kaluan direkt në fazën e eliminatorëve, ndërkohë që ato që renditen nga vendi i 9-të deri në të 24-të, do të luajnë në Play-Off.
Manchester City kalon me një dramë ndaj Club Brugge. Të besuarit e Guardiolës sigurojnë një vend në Play-Off, por për ta arritur këtë, iu desh një përmbysje 3-1 ndaj belgëve, që zhvilluan një ndeshje të shkëlqyer dhe meritojnë duartrokitje.
PSG kualifikohet gjithashtu për në Play-Off pas një fitoreje bindëse 1-4 ndaj Stuttgartit. Real Madrid, me një fitore 0-3 ndaj Brestit, renditet në vendin e 12-të dhe kalon në fazën tjetër. Juventus pëson një humbje 0-2 ndaj Benficës, me të dyja skuadrat që kalojnë në Play-Off. Në ndeshjen tjetër, Dinamo Zagreb mund Milanin 2-1, një rezultat që bën që ekipi i Conseicaos të mos kualifikohet direkt, por të shkojë në Play-Off.
Bayern e sheh veten në vendin e 12-të, pasi mundi 3-1 Slovan Bratislavën, ndërsa Barcelona-Atalanta përfundoi 2-2.
Interi nuk has aspak vështirësi ndaj Monacos. Zikaltërit fituan pastër 3-0, duke mos e vendosur për asnjë moment në dyshim takimin. Me këtë fitore, ekipi i Inzaghit e mbyll i katërti. Bashkë me Interin, të kualifikikuara direkt janë edhe Liverpool, Barcelona, Arsenal, Atletico, Leverkusen, Lille dhe Aston Villa.
Rezultatet live:
Aston Villa 4-2 Celtic
Barcelona 2-2 Atalanta
Bayer Leverkusen 2-0 Sparta Prague
Bayern Munich 3-1 Slovan Bratislava
Brest 0-3 Real Madrid
D.Zagreb 2-1 AC Milan
Dortmund 3-1 Shakhtar Donetsk
Girona 1-2 Arsenal
Inter 3-0 Monaco
Juventus 0-2 Benfica
Lille 6-1 Feyenoord
Manchester City 3-1 Club Brugge KV
PSV 3-2 Liverpool
Salzburg 1-4 Atl. Madrid
Sporting CP 1-1 Bologna
Sturm Graz 1-0 RB Leipzig
Stuttgart 1-4 PSG
Young Boys 0-1 Crvena zvezda
