Mes qeverisë dhe përfaqësuesve ndërkombëtar në vendin tonë duket se janë ngritur tonet. Shkak për këtë është bërë ngritja e Komisionit Antikorrupsion, me drejtues z. Fatmir Xhafaj. Sipas raportimeve mediatike, ky komision synon rishikimin e reformës në drejtësi dhe institucioneve të dala prej saj. Sot në Kryesinë e Kuvendit po mbahet një takim i përbashkët mes drejtuesve të Institucioneve të Pavarura dhe kryetares së Kuvendit lidhur me mënyrën e raportimit dhe monitorimit.
Të ftuar në këtë tryezë ambasadorët e BE-së, SHBA-së dhe Britanisë në një zë përcollën mesazhe të rëndësishme për respektimin e institucioneve të pavarura por dhe forcimin e rolit të Parlamentit në llogaridhënie e transparencë. Ndërkombëtarët e quajtën të rëndësishëm rolin e komisionit antikorrupsion në realizimin e reformave të cilat janë tepër të rëndësishme në këtë moment kur Shqipëria është në një fazë kritike dhe po punohet shumë për tu hapur shumë shpejt negociatat për në BE. Ambasadori i BE-së Silvio Gonzato kishte tre mesazhe për Parlamentin dhe vuri theksin dhe tek zbatimi i vendimeve të Gjykatës Kushtetuese nga Parlamenti. Vendimet e Gjykatës kushtetuese duhet të respektohen siç nxirren nga ato dhe kjo është thelbësore në një shtet demokratik. Për reformën në drejtësi parlamenti mund të lozë një rol kyç për mos kthimin pas të reformave por për të implementuar më tej, në harmoni reformat me të gjitha detyrimet që Shqipëria ka marrë në rrugën e BE-së. Këto reforma shoqërohen nga përpjekja për të parandaluar korrupsionin e krimin e organizuar e krimin në qeveri. Komisioni i Antikorrupsionit që ju keni themeluar tashmë është shumë i rëndësishëm në këtë drejtim" tha Gonzato Edhe ambasadori i Mbretërisë së Bashkuar, Zëvendës Drejtuesja e Komanduar e Misionit të ShBA, si dhe ambasadori i Holandës theksuan se fuqizimi i këtyre institucioneve është kyç për integrimin në BE. Nick Abbott: "Institucionet e pavarura duhet të fuqizohen. Duhet llogaridhënie dhe transparencë nga institucionet' tha Abbot Kathryn Hammond: ‘Mbështesim ato iniciativa që ruajnë pavarësinë e gjyqësorit dhe janë gjithëpërfshirëse. Institucionet e pavarura duhet të forcojnë llogaridhënien dhe transparencën. SHBA është e gatshëm të mbështesë institucionet pavarura. Vos: Për Holandën shteti i së drejtës është shumë i rëndësishëm për hyrjen në BE Kryetarja e Kuvendit tha në fjalën e saj se do të mbështesë institucionet e pavarura. Spiropali ftoi opozitën për të marrë pjesë në Komisionet e Posaçme. Spiropali: ‘Kuvendi ka dhënë dhe do të japë institucionalisht dhe publikisht mbështetjen e nevojshme. Mbështetja jonë ka qenë dhe do të jetë ligjore. Kuvendi ka vullnet të plotë dhe është i hapur të miratojë iniciativa të reja ligjore.
