Një ditë pasi PD dhe PS votuan në Parlament me 106 vota pro ndryshimet në Kodin Zgjedhor, ka reaguar kreu i së djathtës, z.Sali Berisha. Teksa i ka dalë në mbrojtje votimit të mbrëmshëm, sipas tij, ishte ne zbatim të dy vendimeve të Gjykatës Kushtetuese, mohon kategorikisht që kemi të bëjmë me reformë zgjedhore. “Dy problemet e trajtuara nga përfaqësuesit e Partisë Demokratike dhe Partisë Socialiste dhe të votuara mbrëmë në Parlament nuk kanë asnjë lidhje me reformën zgjedhore të rekomanduar nga OSBE ODHIR, por vetëm me zbatimin e 2 vendimeve të Gjykatës Kushtetuese”- u shpreh Berisha.
Për liderin demokrat, votimi i shqiptarëve jashtë shteti është një e drejtë kjo themelore Kushtetuese për çdo shtetas shqiptar. Berisha tha se ky process “kërkohej nga Rama të kryhej nëpërmjet portalit e-Albania Postës militante Shqiptare”-“të gjitha këto u rrëzuan dhe u vendos që për këto qëllime të kontraktohet një postë serioze ndërkombëtare, e cila nuk do sjellë asgjë në postën shqiptare, por në Komisionin Qendror të Zgjedhjeve”.
Sa I takon listave të hapura, kreu I PD, Sali Berisha tha se “ Vendimi i dytë i Gjykatës Kushtetuese kishtë të bënte me herësin. Kjo Gjykatë ka vendosur që herësi prej 10 mijë votash që duhej thyer për të fituar një vend në Parlament jashtë listës së mbrojtur duhet të ishtë në proporcion në mënyrë që lista të ishte më e hapur. Gjykata nuk vendosi heqjen e herësit, por të themi zvogëlimin dhe zbutjen e tij. Partia Socialiste propozoi që herësi të zbritej në 7 mijë vota kurse PD kërkoi heqjen fare të herësit, duke bërë kështu që vendet në listën e hapur të fitohen nga deputetët që kanë marrë nga qoftë edhe një votë më shumë se sa tjetri që renditet në listë para tij. Në qoftë se u futën 3 deputetë me herësin 10 mijë, pa herës shanset janë të futen edhe 43 deputet në Parlament nëpërmjet garës së hapur të listave të hapura”.
