Modelja Klea Prega, që u godit me shishe qelqi në fytyrë nga motrat Antonela dhe Mariela Berisha, ka reaguar pasi këto dy të fundit u vetëdorëzuan në polici rreth dy muaj pas ngjarjes.
Përmes një statusi në rrjete sociale, Prenga ka kërkuar dënim të merituar ndaj motrave, për “pasojat e rënda fizike dhe psikologjike që më kanë shkaktuar”, ndërsa spekulimet për një mundësi pajtimi i ka përjashtuar.
“Nuk ka ndodhur dhe nuk do të ndodhë asnjë pajtim”, ka theksuar ajo.
“Përshëndetje, Pas dy muajsh nga sulmi brutal që më është bërë, personat përgjegjës janë vetëdorëzuar. Disa media kanë spekuluar për një mundësi pajtimi mes nesh, por dua të jem shumë e qartë: nuk ka ndodhur dhe nuk do të ndodhë asnjë pajtim. Unë kërkoj drejtësi të plotë dhe dënimin e merituar për pasojat e rënda fizike dhe psikologjike që më kanë shkaktuar. Nuk mund të ketë falje për një akt të tillë dhune. Shpresoj që procesi gjyqësor të jetë i drejtë dhe transparent, dhe që drejtësia të vihet në vend, duke më dhënë mua dhe familjes sime qetësinë që meriton çdo qytetar”, thuhet në reagim.
