Roven Zeka, ish-shefi i qarkullimit rrugor në Tiranë ka kërkuar zbutje të masës së sigurisë. Një nga argumentet që përdor është dhe gjendja shëndetësore, për shkak se në burg Zeka ka thyer këmbën dhe ka veshtirësi në lëvizje e po ashtu dhe nevojë për kurim të specializuar. Gjykata pritet të vendosë ditën e sotme për fatin e tij.
Shef i Komisariatit të Policisë Rrugore të Tiranës Roven Zeka bashkë me Sokol Novakun shef i hetimit të aksidenteve dhe oficerin e policisë rrugore Edison Tabaku, ranë në pranga më 19 prill në kuadër të një hetimit të SPAK, dhe dyshohet se kanë marrë 2 mijë euro ryshfet, për manipulimin e provave për një aksident rrugor, të shkaktuar nga bashkëshortja e biznesmenit Erges Vrioni.
Të dy oficerët e lartë akuzohen nga SPAK për veprën penale të korrupsionit, ndërsa në dëshmitë e dhëna kanë mohuar akuzat dhe gjetjet e prokurorisë të bëra prezentë në këtë fazë të hetimit.
