Policia e Tiranës publikon planin e masave për mbarëvajtjen e Ministerialit të Procesit të Bashkëpunimit në Evropën Juglindore që do të zhvillohet në Tiranë.
Disa nga akset kryesore rrugore në Tiranë do të bllokohen, ndërsa forca të shumta policie do të angazhohen për sigurinë.
Akset që bllokohen
Në kuadër të planit të masave të marra për garantimin e sigurisë dhe mbarëvajtjes së lëvizjes së delegacioneve të huaja, të kryesuara nga Presidentët përkatës, me rastin e zhvillimit të Ministerialit të Procesit të Bashkëpunimit në Evropën Juglindore #SEECP, ju informojmë se më datë 16.06.2025, do të ketë bllokime dhe kufizime të përkohshme të qarkullimit në disa akse rrugore, konkretisht:
? Në ardhje të delegacioneve:
Aeroporti i Rinasit – Mbikalimi i Kasharit – Autostrada “Durrës-Tiranë” – Unaza e Re – Rrethrrotullimi i Saukut – Rruga e Elbasanit – Rruga “George W. Bush” – Rruga “Urani Pano” – Rruga “Dervish Hima”.
? Në largim të delegacioneve:
Rruga “George W. Bush” – Rruga e Elbasanit – Rrethrrotullimi i Saukut – Unaza e Re – Sheshi “Shqiponja” – Autostrada “Tiranë-Durrës” – Mbikalimi i Kasharit – Aeroporti i Rinasit.
Gjithashtu, po me datë 16.06.2025, gjatë zhvillimit të aktivitetit, do të ketë ndalim të përkohshëm të qarkullimit, parkimit të automjeteve, si dhe lëvizjes së këmbësorëve, në:
? Rrugën “Ludovik Shllaku” dhe Rrugën e Dibrës.
⏰ Orari i kufizimeve do të varet nga mbërritja e delegacioneve në Aeroportin e Rinasit.
Policia e Tiranës kërkon mirëkuptimin e drejtuesve të mjeteve dhe qytetarëve për kufizimet e përkohshme. Bashkëpunimi juaj është i domosdoshëm për garantimin e një eventi kaq të rëndësishëm për vendin dhe për ruajtjen e rendit e sigurisë publike.
