Gjykata e Posaçme i komunikoi masën e sigurisë "arrest me burg” Dashnor Dumanit, vëllait të bashkëpunëtorit të drejtësisë Nuredin Dumani. Ai dyshohet si ekzekutor në masakrën e Bradasheshit ku u ekzekutuan familjarët e Erion Alibej dhe megagrabitjen në pistën e aeroportit të Rinasit.
Ndërsa ndryshoi masën nga arrest në burg në atë të arrestit në shtepi për Armis Stafën. Ndryshimi i masës u bë pasi avokatët paraqitën prova para gjykatësve se Stafa ka qenë në Itali në periudhën 19.12.2019 deri më 30.10.2022 i bllokuar nga COVID-19.
Ai dyshohet nga SPAK se pastronte paratë e organizatës kriminale të vëllezërve Franc e Hajdar Çopja. Dashnor Dumani dhe Stafa u ekstraduan nga Dubai 3 ditë më parë.
