Dritan Rexhepi refuzon të dëshmojë në Apelin e Posaçëm në procesin ndaj Festim Bexhdilit, kopshtarit të Golden Resort, në lidhje me rrëmbimin dhe zhdukjen e Jan Prengës. “Nuk kam se çfarë them”, tha Rexhepi, që është bashkë i pandehur në të njëjtin proces. Rexhepi, bashkë me Gentian Doci Funiqin, akuzohen se urdhëruan rrëmbimin e Jan Prengës pasi vëllai i tij iu kishte vjedhur një sasi të madhe droge që iu përkiste atyre.
Ndërkohë, në vijim të procesit ndaj Bexhdilit, gjykata vendosi të rrëzojë kërkesën e avokatit mbrojtës që në sallën e gjyqit të shfaqen pamjet filmike të kompleksit Golden, ku u mbajt trupi i pajetë i Jan Prengës. SPAK thotë se trupi u transportua nga një makinë në tjetrën dhe prezent ka qenë Bexhdili. Sipas SPAK, ai është larguar me personat e tjerë. Ndërsa avokati Ilir Murati pretendoi se prokuroria i ka interpretuar gabim pamjet filmike.
Seanca shtyhet për në datë 26 qershor.
