Në Javën e Modës në Milano prezente ishte edhe kampionia e boksit Imane Khelif. Fituese e medaljes së artë në Lojërat Olimpike Paris 2024, u shfaq plot shkëlqim me këmishë të verdhë, pantallona lëkure të zeza, flokë me xhel dhe aksesorë floriri.
Në postimet e saj në Tik Tok dhe në Instagram shihet se si Imane u prit si yll nga fansat autografe për të gjithë dhe buzëqeshje të mëdha.
Gjatë përvojës në Olimpiadë, boksierja algjeriane ishte “akuzuar” nga eksponentë të ndryshëm të botës së sportit dhe politikës për shkelje të rregullave për të përfituar, sidomos në ndeshjen me atleten italiane Angela Carini në fazën e 16-ave të peshës së lehtë për femra në Lojërat e Parisit.
Disa politikanë italianë e identifikuan Khelif si një “grua trans”, duke përhapur lajmin e rremë se asaj i ishte përcaktuar seksi mashkull në lindje dhe më pas kishte kaluar në tranzicion. Më pas pati shumë lajme kontradiktore dhe polemika për kampionen.
Në fakt, atletja e lindur në vitin 1999 ka konkurruar gjithmonë në garat e femrave dhe gjithmonë e ka identifikuar veten si femër, siç duket edhe nga dokumentet e saj të lindjes. Siç pranoi edhe presidenti i Komitetit Olimpik Ndërkombëtar Thomas Bach, “Imane është një grua dhe ka garuar për 6 vjet në nivel ndërkombëtar”.
