Gjykata e Posaçme dënoi me 9 vite burgim biznesmenin Pëllumb Gjoka për akuzat e krijimit të kushteve për të kryer vrasje, në kuadër të grupit kriminal dhe korrupsionit. Për shkak të gjykimit të shkurtuar, dënimi për investitorin strategjik është reduktuar në 6 vite.
Ardit Hasanbegasi është cilësuar fajtor dhe dënuar me 5 vite burgim përfundimisht. Të dy u gjykuan në kuadër të dosjes së njohur si “Metamorfoza”.
Gjoka po gjykohet në një proces të ndarë për akuzën e vrasjes së Gjin Ndojit në vitin 2020 në Vaun e Dejës dhe grupit kriminal. Vrasja dyshohet të jetë kryer në bashkëpunim me anëtarë të grupit kriminal Bajri.
