Komisioni për Punën, Çështjet Sociale dhe Shëndetësisë po diskuton ndryshimet në ligjin për Urdhrin e Mjekut. Përmes një akti normativ, qeveria ka bërë ndryshime që rregullojnë dy punësimin e Mjekëve por edhe funksionimin e këtij Urdhri.
Gjatë dëgjesës në komision, kreu i Urdhrit të Mjekut, Fatmir Brahimaj foli në emër të Asamblesë së Urdhrit të Mjekut, ku shprehu mos dakordësinë ndaj këtij akti normativ, i bërë sipas tij, pa u pyetur dhe pa marrë sugjerimet e tyre.
"Tre herë që ka ndryshuar ligji për Urdhrin e Mjekut, ne ishim palë. Sot jo. Jemi organizëm profesional me detyra të përcaktuara nga Kuvendi dhe sipas direktivave në cila mbështeten edhe homologët tanë. Urdhri Publik nga nje ent jobuxhetor kthehet në një shtojcë të Ministrisë së Shëndetësisë. Për ne pavarësia është thelbësor ku bazohet veprimtaria jonë, si pjesë e vetë rregullimit dhe profesional. Kodi i Etikës dhe Deontologjisë Mjekësor është Kushtetuta jonë. Kjo gjë nuk mund të korrigjohet nga Ministrja e Shëndetësisë. Kriteret, detyrimet janë të qarta dhe nuk përzihen me kontratat e punës. Gjykimi profesional nuk mund të bëhet nga komisione e strukturuar të dala nga qeveria. Asambleja Kombëtare e Urdhrit të Mjekëve të Shqipërisë mbështeti qëndrimin e mbajtur ndaj ndryshimeve të fundit qeveritare në mbrojtje dhe mos cënuar funksionin e tij. Ne kërkojmë që Kuvendi, Qeveria të rishikohet akti normativ dhe të bëjmë një ligj sipas legjislacionit europian, sipas modelet homologëve. Nëse kjo nuk arrihet, Asambleja Kombëtare e Urdhrit të Mjekut do të çojë aktin në Gjykatë Kushtetuese".
Në fund të fjalës së tij, Kreu i Urdhrit të Mjekut tha se ka marrë mbështetjen e homologëve në botë, ku kryefjalë e funksionimit të këtij organizmi është pavarësia.
