Italia i ka dhënë lamtumirën kampionatit Europian pasi është eleminuar nga Zvicra. Paraqitja e dobët që u vu re edhe në ndeshjet e fazës së grupeve, u pa edhe në sfidën e sotme ndaj Zvicrës, ku kjo e fundit nuk e fali duke shënuar dy herë në portën e italianëve.
Sinjalin e parë zviceranët e dhanë në minutën e 24, me Embolo që gaboi i vetëm para portierit Donnarumma. Por nuk shkoi shumë vonë, që zviceranët të shënonin me Freuler në të 37-tën, pas një kombinimi të bukur në zonën e italianëve. Pas pësimit të golit, “Axurrët” nuk ditën të reagonin duke shkuar në disavantazh në përfundim të pjesës së parë.
Eleminimin e italianëve e vulosi Vargas me fillimin e pjesë së dytë, duke dyfishuar shifrat me një eurogol.
Në këtë takim, Xhaka ishte titullar, ndërsa Shaqiri e filloi nga stoli. Italia zbret kështu nga froni, nuk lë dot gjurmë në këtë europian, duke mbyllur shumë shpejt rrugëtimin. Në krahun tjetër, Zvicra vazhdon të ëndërrojë, në takimin tjetër do të përballet me fituesin e Angli-Sllovaki.
