UEFA ka vendosur që futbollistin shqiptar, Mirlind Dakun ta dënojë me dy ndeshje suspendim. Si pasojë e këtij dënimi, Mirlind Daku nuk do të ketë të drejtë loje ndaj Spanjës si dhe do të mungonte në raundin tjetër në rast kualifikimi të Shqipërisë.
Kështu u bë e ditur nga Federata Shqiptare e Futbollit përmes një komunikate të lëshuar për media.
Ky dënim për Dakun vjen pasi ai kishte përdorur fjalë fyese ndaj serbëve në ndeshjen me Kroacinë.
Sot, Komiteti Disiplinor i UEFA-s e dënoi Federatën Shqiptare të Futbollit për shkak të sjelljes joadekuate të tifozëve në ndeshjen e fundit ndaj Kroacisë. FShF-ja është dënuar me gjobë 47 mijë e 500 euro.
