Austria ka fituar me shifrat 3-1 kundër Polonisë në takimin e vlefshëm për Grupin D të Kampionatit Europian 2024.
Trauner ishte ai që shënoi golin e parë të sfidës në minutën e 9-të të lojës, ndërsa Piatek shënoi për Poloninë në të 30-tën për të mbyllur pjesën e parë në baraspeshë.
Në të dytën, do të ishte Baumgartner ai që do t’i kthente avantazhin Austrisë në të 66-tën minutë, ndërsa Arnautoviç do të trefishonte rezultatin me anë të një penalltie në minutën e 78-të.
Austria me këtë rezultat shkon përkohësisht në vendin e tretë, ndërsa Polonia vazhdon të jetë e fundit me 0 pikë. Austriakët ndeshjen e radhës do ta kenë kundër Holandës, kurse polakët kundër Francës. Të dyja takimet do të zhvillohen me 25 qershor.
