Sllovenia dhe Serbia u ndanë në barazim në ndeshjen e dytë të grupit C. Pjesa parë përfundoi pa gola 0-0 me të dyja skuadrat që i patën shanset e tyre për të kaluar në avantazh. Sllovenët ishin superior në kontrollin e topit, madje goditën edhe shtyllën, ndërsa për serbët shansi më i mirë erdhi vetëm në fund të fraksionit të parë.
Golat e takimit erdhën në pjesën e dytë dhe ishte kombëtarja sllovene e cila u tregua pragmatiste, duke shënuar golin e avantazhit, në minutën e 69-të me Karnicnik. Gjithsesi serbët nuk u dorëzuan dhe tentativat e tyre u shpërblyen vetëm në limite të kohës kur sulmuesi Joviç, devijoi saktë me kokë, një krosim nga këndi duke i dhënë pikën e parë në këtë evropian.
Me këtë barazim Sllovenia shkon momentalisht në vendin e dytë me 2 pikë, ndërsa Sebia barazon Danimarkën, me 1 pikë.
