Ministria e Jashtme greke ka bërë thirrje për garantimin e sigurisë së eurodeputetëve që ndodhen në Tiranë, pas incidenteve me Fredi Belerin, pjesë e delegacionit prej 10 eurodeputetësh në kuadër të Komisionit Parlamentar të Stabilizim-Asociimit BE-Shqipëri. “Shqipëria të garantojë sigurinë për eurodeputetët. Ata përfaqësojnë BE-në dhe duhet të trajtohen me respekt,” theksohet në deklaratën e ministrisë greke.
Një ditë më parë, Beleri, eurodeputet dhe përfaqësues i minoritetit grek në Shqipëri, u përball me dy protesta pas një vizite në Kryesinë e Kuvendit. Teksa dilte nga ndërtesa, një qytetar e sulmoi me vezë dhe i hodhi kos, duke e konsideruar këtë një akt revolte. Protestuesit e akuzuan Belerin se përfaqëson figura të lidhura me Masakrën e Peshkëpisë, një ngjarje e vitit 1994 ku një grup i armatosur sulmoi një repart ushtarak shqiptar në Gjirokastër, duke lënë disa ushtarakë të vrarë.
