Sot inagurohet xhamia e Namazgjasë në Tiranë. Ironia qëndron në historinë e ndërtimit. Kreu PD, Sali Berisha ka reaguar në rrjetet sociale ku tregon se projekti nisi në prill 2013, por ndërtimi u ndal nga Edi Rama, i cili, pas zgjedhjeve, vendosi të ndërpresë projektin, duke lënë shumë besimtarë të paqartë. Më pas, në një kthesë të papritur, u rikthye ndërtimi me mbështetje nga presidenti Erdogan, i cili, siç duket, bëri që Rama të lëvizte nga qëndrimi i tij i ashpër.
Berisha, i cili e kujton veten si firmëtarin e ndërtimit, sot mbeti jashtë vëmendjes, ndoshta duke pritur ftesat që nuk erdhën. Ndoshta, duke pritur ftesën, po mendon se si ndodhi që një xhami e ndërtuar me ndihmën e besimtarëve turq mori kaq shumë rëndësi, kurse roli i tij në këtë histori është harruar.
Ai shkruan në facebook:
Xhamia është dhuratë e besmitarëve muslimanë turq për besimtarët muslimanë të Tiranës ndaj dhe gjej rastin t’ju shpreh atyre mirënjohejen më të thellë për bujarinë e tyre. Mirpo kjo bujari e besimtarve muslimanë të Turqisë u perdor nga Edi Rama për qëllime politike, por dhe më keq për të ngjallur farën e përçarjes së muslimaneve shqiptarë siç bëri së fundmi me shtetin e pavarur islamik Bektashi. Nën këtë moto të përçarjes sot në shkelje e statutit 100 vjeçar të KMSH nuk do jetë në inagurim Kryetari i Komunitetit Musliman Shqiptar dhe ky është një ofendim për të gjithë besimtarët musliman të Shqiperisë qe ai në mënyrë legjitime përfaqëson.
