Ambasadori i Bashkimit Evropian në Shqipëri, Silvio Gonzato, ka reaguar lidhur me situatën e fundit të bojkotit nga institucionet e drejtësisë ndaj komisionit parlamentar “Xhafaj”. Gjatë një deklarate për mediat, Gonzato theksoi rëndësinë e respektimit të pavarësisë së institucioneve të drejtësisë, duke adresuar shqetësimet për këtë veprim.
“Nuk mendoj që ata ishin kundër komisionit,” deklaroi Gonzato. “Ata gjykuan se kontributi i tyre në punën e komisionit duhet të trajtohej ndryshe. Mendoj se media nuk e interpretoi saktë qëndrimin dhe mendimet e përfaqësuesve të Këshillit të Lartë të Prokurorisë, Gjyqësorit dhe SPAK. Ajo që është e qartë është fakti që ne duhet të respektojmë pavarësinë e institucioneve të drejtësisë. Kjo do të thotë që do të nevojitet kontributi i tyre, por do të duhet të konsolidohet Reforma e Drejtësisë e vitit 2016." tha ambasadori
