Ministri i Brendshëm, Ervin Hoxha, prezantoi 12 drejtorët e rinj të policisë në qarqe. Elton Alushi është emëruar drejtor i policisë në Tiranë, pasi më parë mbante pozicionin e zëvendësdrejtorit në Policinë e Vlorës. Vilson Bala, nga Forcat e Posaçme Operacionale, do të drejtojë qarkun e Durrësit, një nga qarqet më problematike në vend. Në Elbasan është emëruar Fatmir Hoxha, në Lezhë Altin Mena, ish-kandidat për Drejtor të Përgjithshëm të Policisë.
Skënder Hita, i cili garonte për postin e kreut të Policisë së Shtetit përballë Ilir Prodës, është emëruar në Fier, ndërsa Altin Merizaj në Gjirokastër. Fatmir Lleshaj do të drejtojë policinë e Shkodrës, ndërsa Elidon Cela do të udhëheqë qarkun e Vlorës. Artion Duka është emëruar në Dibër, Gentian Berberi në Kukës, Luigj Vathi në Berat dhe Erjon Ahmeti në Korçë.
