Shtetasi i shpallur në kërkim nga policia për përdorimin e një magazine si ambient për tharjen e bimëve narkotike dhe përgatitjen e lëndës narkotike për shitje është Sadriano Duçi. Sipas autoriteteve, ai dyshohet të jetë "koka" e grupit dhe ka marrë magazinën me qira nga Demirshahu, duke e përshtatur atë për aktivitetin e paligjshëm për një periudhë të caktuar.
Pas zbulimit të magazinës me drogë në fshatin Voskop të Korçës, policia ka arrestuar dje 6 persona, përfshirë edhe disa gra. Këto të fundit, që nuk banonin në Korçë, u kapën në flagrancë ndërsa ishin duke përpunuar lëndën narkotike.
Sipas burimeve jo zyrtare, magazina ka shërbyer si një vend dytësor, ndërsa dyshohet se lënda narkotike dërgohej në një lokacion tjetër jashtë Korçës para se të nxirrej në treg.
